viernes, 31 de diciembre de 2010

DE SESSIONE DIEI SECUNDI MENSE IANUARIO

ALIQUID NOVUM

Ultima sessione habita noster Michael non tantum nobis carmina Catuliana multiplicavit atque commodavit, sed etiam machinulam adtulit, cuius ope auscultare locos Catulianos ad musicam a Carolo Orff opifice aptatos licuit. Quorum modos, etsi ii satis placuerunt nobis, non conferendos putavimus operi Carmininibus Buranis, ubi Orff illis cantilenis a vatibus Goliardis compositis suam musicam luculentius adiunxit. Attamen gratiae sunt agendae, ut decet, erga nostrum Michaelem. Certe sua causa ex Catuliana procacitate interdum in cachinos effusi sumus ita, ut paene ilia nostra risu disoluta essent.

Primum etiam accidit ut instante tempore cenaremus in hac popina quae in ipso Deversorio Studentium inest, et non in ea Italica quo coetibus finitis iam pridem nos conferre solemus. Utrumque malimus in medio reliquo, nam de his, ni fallor, nihil diximus, neque quid ipse sentiam dicere velim quasi Grex una voce aestimarat.

Etiam mihi in buccam non venit in conventu ipso quomodo nuncuparentur ea carmina Latina ad nuptias composita. Serius, ut fieri solet, in Statione Principis Pii mox valedicto Alvaro mihi succurrit verbum, "hymenaeus", postea adito Lexico domi verbum "epithalamium" repperi, immo eius memoriam refricavi.

Nobis erat propositum ad proximam sessionem nostram constituendam, ut puto (sed dubito), locos "Itineris Subterranei" pergere legere et quod ad finem perveniamus. Ergo adferte, sodales exemplaria! (ipse mea quaeram. Alicubi esse debent)

Venio ad alia. Fortasse noster Astur coetui intererit proxima sessione, qui iam diu apud nos non vidimus, cum Londinii vitam agat abhinc quattor circiter annos. Pergratus nobis vere adventurus est, cuius desiderio valde tenemur, qui eum noveramus. Lepidissimus enim est ac Latinitatis cultor optimus.

Ceterum vobis optimas ferias Natalicias exopto et faustum annum ineuntem ominor. Solis calculis albis singulos novi anni dies ut numeretis exopto.

domingo, 12 de diciembre de 2010

DE DIEI XIX MENSIS DECEMBRIS COETU (DIE DOMINICA)

ALIQUID NOVUM

Ultima sessione una legimus caput depromptum ex opere "Nicolai Klimi iter subterraneum" a Holberg conscripto, quod periodicum "Melissa" ediderat. In locis a nostro Iosepho M. Sanctio adlatis narratur quae acciderint Nikolao, qui primas partes in fabula tenet, ubi in regiones penetrat, primum ubi feminae magis valebant quam viri, et dein ubi tantum philosophi commorabantur. Est fabula lepidissima et luculentae Latinitatis. Si plura de his legere velitis, tendite huc, amici


http://books.google.es/books?id=e3wOAAAAQAAJ&printsec=frontcover&dq=Iter+subterraneum&source=bl&ots=VfWUBUmrz5&sig=X5hjyj9CjGoUynW6Ihlgm4_8sGQ&hl=es&ei=fg0FTf_XNM-VOo7BvaYB&sa=X&oi=book_result&ct=result&resnum=3&sqi=2&ved=0CCwQ6AEwAg#v=onepage&q&f=false
Ceterum vergente anno fortassis oportuerit ut vos sententiam de his rogem, quae mutanda aut novanda de Circulo nostro -aut de moderatione-, sodales , putatis, quae desideratis ut magis prosit Circulus ac magis delectemur atque melius linguam una discamus. Identidem in his instare velim Circulum meum non esse sed singulorum nostrum. Quapropter si quid proponitis de rerum agendarum ordine mutando, haec libenter in medium inferamus et de his meditemur, iudicemus atque suffragemur proxima sessione, si opus fuerit. Si quis vestrum se non adfore proximo consessu putat et tamen vult quod aliquid certum de his agitetur, nihil obest quominus ad me (aut ad alium sodalem) scribat ut suas litteras suo nomine recitemus. Nos quae proposuerit consideraturos atque lecturos promitto.

Ego una cum aliis sodalibus unum propono mutandum. Aliquot sodales magis curam adhiberi de syllabis productis observandis velle certo scimus. Attamen nobis contigit, ut habenas nimis laxemus hac in re et mensuras omnino neglegamus in loquellis, quandoquidem intensum animum habere oportet usque hac in Latinitatis provincia. Ad hoc propositum usui esset nobis, quod digitis crepitemus ubi aliquis ,qui hanc Latinitatis partem colere velle, quantitates omitterim. Quod ad me attinet saltem admoneri volo a vobis amicis hoc praedicto signo, si oblivio me ceperit de his, ut puto, curandis. Attamen haud morosos nos praebere in eos, qui haec curare nolunt, censeo. Iam satis sane spinarum est in Latinitate ut fastidium moveamus nostris sodalibus.

Etiam propono ut amici qui non bene intellexerint litteras Latinas meas, apertissime eas adferant in coetus ut eis difficultates explanem.

Porro proxima sessione die Dominica fiet.Deversorii caupo nobis confirmavit, Deversori fores patere etiam diebus Solis.

miércoles, 8 de diciembre de 2010

DE CIRCULI MATRITENSIS COETU DIEI XI MENSE DECEMBRI

ALIQUID NOVUM

In primis ultima sessione ad nos advenisse Michaelem referre oportet, studiosum Teodiscum, qui in Hispania hoc anno commoratur atque apud Academiam Autonomam praelectiones frequentat. Cum videremus eum in Latinitate viva numquam antea exercitatum emendate et recte loqui, non potuimus quin mirati essemus.

Fortassis causae in eo adducendae sunt , praeter ingenium atque huius probi adulescentis industriam, quod apud Germanos multo plures annos Studiis Latinis opera datur, quantum valeat apud eos probationes vocabularii etiam in gymnasiis, - in quo nostrates studiosi vero pessime se habent-, demum quod in universitatibus discentes Teodiscos in exerciciis scribendi Latine, scilicet stili exercitiis, imbuere solitum est, quod ad linguae notitiam plurimum confert, ne dicamus ad loquellas.

Utcumque est, ne quod maximum puto omittam, dicendum censeo, quod Michael Circuli sessioni interesset nobis perplacuit.

Ceterum Iosephus M. Sanctius noster mentionem fecit de hoc proverbio Latino:

Si fueritis Romae, Romano vivito more (si fueris alibi, vivito sicut ibi) etiam nobis dixit nomen Latinum Barba Roja esse Aenobarbum, ni aures me fallunt. Etiam mentio facta est in cena de mulso (mulsum -i), vinum mele admixtum, quod erat in Romanorum deliciis. Delicias, hoc est crustula dulcia, etiam adferre solet nostra Lucia ad coetus, cui gratias agere opportunum videtur, quamquam periculum est , nos gulae deditos pinguescere iam ante epulas Natalicias vel Saturnales Circuli nostri causa, nam ad ea dulcia praedicta, addite, sodales dilecti, quae esse (comedere) solemus in cenis nostris in caupona italica, quae frugales non sunt. Ut verum dicam, ea sunt Graecorum potius quam Romanorum.

RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Ansgarius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne tantum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

DIE XI MENSE DECEMBRI ( die SATURNI hora SEXTA )

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Maranon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote

martes, 30 de noviembre de 2010

DE DIEI III DECEMBRIS COETU (DIE VENERIS)

ALIQUID NOVUM

Sessione superiore noster Guillelmus nobis proemium Latinum de Patris Marianae vitae descriptione addtulit, ut melius ad lectionem eius locorum accederemus.
A Marianae litteris didici eloquium, qui, eheu, nostra aetate procellis pecuniariis obnoxia adhiberi potest, "exsolvere nomina". "Nomina" his in locis significat "debita". Fortassis quia magna debita in libellos inferebantur.

Adhuc non absolvimus eos locos Marianos, et verisimiliter in alium diem differamus, nam noster Guillelmus, qui eos legendos commendavit, nuntiavit se adfore proxima septimana putare, et inurbanissimum esset eos agitare illo absente.

Quapropter Carmen Campidoctoris perlegemus, ut puto. Etenim Txemusque noster mihi dixit se velle adferre editionem "criticam" ut meam rudiorem emendemus. Ceterum notare oportet ulteriore consessu adfuise apud nos etiam Antonius Gaditanus, homo urbanissimus atque humanus, quem noster diligentissimus Carolus ad nos impellit. Etiam mihi venit in mentem nostrum Alvarum apud nos meminisse optimi proverbii Latini "intellegenti pauca". Is etiam mihi in tramine suburbano redeundo dixit se audisse toponimum "Moncloa" a nomine Latino "Mons Clovis" productum esse atque gentilicium Hispanice dicendum esse "monclovita".

RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Ansgarius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne tantum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

DIE III MENSE DECEMBRI ( die VENERIS hora SEXTA et DIMIDIA)

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Maranon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote

miércoles, 17 de noviembre de 2010

DE VENERIS DIEI XIX MENSIS NOVEMBRIS COETU

ALIQUID NOVUM

Sessione superiore versionem iusiurandi Hipocratici Latinam una legimus. Cum autem rixulae nihili inter aliquot sodales de re sub lite exortae essent, facultas non fuit nobis quod eo perveniremus, ubi mentio incidit in homines, sicut nostrum Carolum, calculis laborantes. De iis quidem promittenda sunt medicus haec: "Nec vero calculo laborantes secabo, sed viris chirurgiae operariis eius rei faciendae locum dabo".

Ceterum Lunae die verba vel in primis , eheu, Hispanice, Eduardi causa et ductu fecimus apud Academiam Autonoma Cantoblanco sitam et Salvator et ego, ut linguam Latinam illuc adduceremus, ne deesset nostra, eo die linguis commemorandis destinato. Humanissime ac comitanter nos habuerunt professores, qui etiam efficerunt ut multa discipulorum affluentia adesset. Pro domo nostra uterque, alter ex altera parte, disseruimus de viis rationibusque linguae Latinae discendae mutandis.

Quosdam ex eis auditoribus, sive studiosos seu professores has litteras lecturos puto, quibus per occassionem exhortor, ut proximo coetu aut alias ad nos veniant sine ulla verecundia. Quantum difficultatis insit Latine loqui bene scimus. Initio verba tironibus, etsi doctis, in buccam non venire ac se diu tacere solere res usitatissima est apud nos, nam hac in re magis loquendi usus quam doctrina potest.

Tempore et labore interposito disserti fietis, modo arduum initium fortiter toleretis ac nimio patrio et errandi pudore et imperitiae ostendandae deposito nos in Deversorio conveniatis.

jueves, 11 de noviembre de 2010

DE DIE XIII MENSE NOVEMBRI

Sessione superiore bene , immo optime, processit quod die Veneris, quod apud nos non erat solitum nisi iam pridem, conflueremus. Primum noster Consalvus doctissime ac accuratissime nonnulla de Tusculanarum Disputationum proemio dixit, quod eius ductu una egimus. Etiam noster Guillelmus, vir adprime litteris excultus, nobis mentionem fecit de Patre Marianae, et praesertim de eius opere "de monetae mutatione". Re vera mihi studium huius libri in consessu nostro amplius agitandi excitavit sic ut hic palam et publice vobis proponam ut aliquot lineolas ex eo nobis tractandas putem, ubi noster Consalvus ad colloquiorum finem de Disputationibus Tusculanarum veniat (aut alias). De hoc consilio ineundo, facite ut quod sentiatis in ipso coetu dicatis. Ceterum noster diligentissimus Alvarus aliqua iam pridem de eo clarissimo viro in suo commentario interretiali adnotavit. http://prudentiaetcultura.wordpress.com/2010/07/11/de-aliquibus-hominibus-illustribus-pars-iii-iohannes-marian%c3%a6/

martes, 2 de noviembre de 2010

EL FRAUDE DE LA FILOLOGÍA CLÁSICA

En el siguiente enlace podréis leer el artículo (o una larga cita del mismo) de nuestro amigo Carlos sobre "el fraude de la filología clásica". Merece la pena leerlo

http://eidos-fingoi.blogspot.com/2008/01/o-gran-fraude-da-filoloxa-clsica_24.html



In nexu adscripto legere poteritis symbolam (sive longum locum ex ipsa sumptum)quam noster Carolus de philologiae classicae fraude scripsit. Est operae pretium quod legatur.

(Die XXXI mense octobri de proximo coetu nuntium scripsi. Tendite illuc si plura de his scire velitis)

domingo, 31 de octubre de 2010

DE MUTANDIS ALIQUANDO COETUUM DIEBUS

ALIQUID NOVUM

Nonnulli sodales suaderunt ut etiam sessiones diebus Veneris fiant ut apud nos adesse possint ei, quibus Saturni diebus saepe coetus non quadrant. Aliis autem nos convenire pergere diebus Saturni magis expedit. Etiam rationem externorum habere oportet, qui interdum ad nos adveniunt. Omnibus his perpensis in sessione condictum est, quod sessiones et Veneris ac Saturni diebus
alternis vicibus habeantur. Si autem peregrinus (Rodericus, Salvator, Xaverius, Catulus,Maria Angelorum, Sandra, aut quivis) nobis se adventurum praenuntiaverit, oportebit ut haec sessio die Saturni constituatur, si sic ad hospitem nos accomomodaverimus.

Diebus autem Veneris fortassis melius est ut hora 6 et DIMIDIA conveniamus (diebus Saturni autem hora sexta placet), nam commodius ad vitam hodiernam officiis gravatam videtur.

Proximus coetus hora sexta et dimidia die VENERIS fiet

In ultima sessione ad nos advenerunt novae sodales, scilicet Lucia atque Resurrectio. Quod Illae ad nos se adiungant valde gaudemus. Porro in ultimo consessu hunc locum Petronianum agitabimus, ubi Petronius fabellam narrat de versipelli, videlicet de homine quodam qui in lupum factus est.

lunes, 18 de octubre de 2010

DE LECTO

DE LECTO

Ultima sessione noster Iosephus Maria Sanctius nobis mentionem fecit de his, quod "cama" iam in sermone Latino exstabat, quod vero locum denotabat ubi beluarum catuli et pulli una cum matre dormirent. Unde sermone Hispanico vocem "camada" productam fuisse a veritate non abhorret.

In lexico Maria Moliner certe vocem Hispanicam "camam" a sermone "hispanolatino" derivari legimus, quae forte in linguam Hispanicam "cubil" verti licet.

jueves, 13 de mayo de 2010

DE EXPRESSIS APUD SUETONIUM VECTIGALIBUS

Apud Suetonium de Vespasianii maiore quodam nomine Sabino legitur: (Sabinus) "publicum quadragessimae in Asia egit". Quod significat eum fuisse publicanum sive exactorem vectigalium. Sed agitur de tributo certo, ubi duo atque dimidia pars pretii uniusque mercedis ( 2,5 %), scilicet singulae partes ex quaternis denis -partibus-, exigebantur. Unde patet ratio nominandorum ad quantitatem tributorum . Sic quinquagessimae possunt significare nostra aetate 2 centessimae partes, et quartae (25%), et ita porro.

sábado, 1 de mayo de 2010

CARMEN LATINUM BREVISSIMUM A THOMA IRIARTE CONSCRIPTUM

De dies Parascebes, quo Matriti campanarum
et currum usus interdicitur

Aera rotaeque silent, tota urbs placidissima, solum
cum moritur Christus vivere in urbe licet.

miércoles, 7 de abril de 2010

Le Latin sans peine

http://www.scribd.com/doc/26576306/Assimil-Le-Latin-Sans-Peine


Assimil - Le Latin Sans Peine                                                            

viernes, 5 de marzo de 2010

ABOLERUNT PHILOSOPHIAM IN IN GYMNASIIS TEODISCIS

Recte legistis amici in epistulae meae titulo. Teodisci tollerunt e medio, saltem in Badenia Wuttenbergia, ubi habito, philosophiam in gymnasiis. Fieri potest, hoc ignoro, ut exstet illa adhuc aliis in Germaniae regionibus. Ceterum nihil novi tracto sed rem actam ago sed adeo gravem, meo quidem sensu, ut memoratu dignam putavi. Nam illi qui omnibus gentibus in ea disciplina praeter Graecos praestarunt ei, date veniam verbo, laecasim dixerunt. Equidem difficile acciderit ut novi Kantii, Federici Nietsche, Arthuri Schopenhauer, Edmundi Husserl, Heideger, Horkheimer, Adorno, Habermas, et alii philosophi nobiles gignantur e nihilo, supressis primis lectionibus in gymnasiis. Hanc partem videtur renuntiasse Germaniam in qua mox florebat, ex qua magni exisistimabatur a hominibus doctis. Verum non tantum philosophia sed etiam historia iacet, cui tantum tribuerunt unam horam septimanatim in gymnasiis, (saltem in Badenia Wuttenbergia). Et hoc de gymnasiis, ubi discipuli optimi (LX partes ex toto) frequentant lectiones. Quid dicam de scholis ad pueros crasioris Minervae destinatas, quae Realschule et Hauptschule appellantur ? Cur, gregales Teodisci, inquam, tanta calamitas? Quid est in causa? Malo e vobis quaerere haec antequam de rebus fortassis mihi non tam bene notis vocem mittere audeam. Status rerum mihi valde displicet quia curriculum philosophicum perfeci ac mirum in modum suspeci Germaniam propter maiorum philosophorum gloriam, ubi habito ac probos homines novi. Vae Germaniae!


(EPISTOLA QUAM AD GREGEM LATINUM LOQUENTIUM MISI)

viernes, 19 de febrero de 2010

DE OBITU HANS ORBERG

Antonius Gonzalez Amador culturae classicae moderator me certiorem fecit per litteras Anglicas, quas infra adscribo, de obitu Hans Orberg, qui libros utilissimos latinitati colendae ediderat, quorum ope ac adminiculo multi homines imbuti ac imbuturi sunt in latinitate viva. Requiescat in pace, qui tam bene de lingua nostra meritus est.


Dear all friends and customers of Hans Orberg


I am very sad to announce the death of my beloved father, Hans Henning Orberg. He passed away peacefully, without pains and surronded by his children on the 17th of February.




Although very weak and disabled in his last month, he was very happy that he managed to finish his ‘Ars Amatoria’ and see it published. He also leaves this world with peace in his mind, confident that his children will carry on his publishing firm, Domus Latina.




The funeral will take place Wednesday the 24th of February at 2 pm in the church of Grenaa: Grenaa Kirke, Torvet 12, 8500 Grenaa, Denmark.

We would be grateful if you would pass on the sad news to friends and customers that you know of and who are not in the mailing list above.



Yours sincerely

Anders Orberg

viernes, 12 de febrero de 2010

DE MENSIS FEBRUARII COETU

Saturni die XX mense februario hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis "Gregorio Maranon" abest. Situm assignatum illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam harum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote.

domingo, 7 de febrero de 2010

DE LATINITATE IN HISPANIA NUNC AC TUNC

Adhuc lucto admodum perculsi nihil aliud possumus facere nisi hac via quam una Augustinus ac Iosephus Sanctius meus, qui vel pertristis ex amico decesso valet, ingressi sunt, procedere amplius. Tunc via era rudis ac incommodis obnoxia vepribusque ac spinis interclusa. Multi tunc valuissent Latine ut facti fuissent viatores egregii, succi pleni, potius adeo lacertosi ut facile progressi fuissent in ea, ut dicam cum Caesare, magnibus itineribus.

Rarius vero se viae dabant ex opininibus praeiudicatis, ne dicam ex animo pussili. Quin etiam erant qui insidias collocarent in semita nostra ac grassati essent in ambulantes argumentis inanibus muniti ac illorum incepta exprobarent ac interdum pericula facesserent et rei ac hominibus. Hodie vero via est iam bene strata, satis tuta a grassatoribus, tametsi magis nobis deest unde homines colligamus rudimentis latinis edocti, nos tamen quaerunt homines ac inveniunt sine ullo negotio. Nobis quidem obviam veniunt nunc, carpere una iter aventes nobis comites.

viernes, 5 de febrero de 2010

VICTORIUS DE AUGUSTINO CANO ALIQUA NARRAT

Haec retulit Victorius Ciarrocchi de Augustino nostro ad Gregem Latine loquentium, cum de eius morte sciret.

Victorius:

Augustinum Cano Delgado nonnullis in seminariis Latinitati vivae dicatis conveni, postquam anno 1993 primum Vavriae, quod oppidum parum a Bruxellis distat, eum noveram. Statim Augustinum inter et me patuit illa animi et cogitationum convenientia, quae verae amicitiae est fundamentum. Sequentibus annis, uno excepto, semper in seminariis Belgicis, quorum particeps fuit etiam Iosephus Sanctius, multas horas cum Augustino sum collocutus. Qui vir in apparando seminario Latinitatis vivae Matritensi, quod anno 1998 habitum est, atque in decimo Conventu ALF (Academiae Latinitati Fovendae), qui mense Septembri ineunte anni 2002 eâdem in urbe locum habuit, magnam egit partem. Macer et staturae haud procerae, sub aspectu severiore animum celabat humanissimum atque ad facetias proferendas audiendasque proniorem. Veluti legatus Hispanus anno 1967 celebrationes participaverat (de quibus fusius mihi narravit) in urbe Tokio habitas, ut commemoraretur annus 1867, qui in Iaponum historia maximi fuit momenti. Latinitatem vere amabat ipsamque esse ‘iucundissimum senectutis meae solacium’ dicere solebat. Nam grammaticam Latinam iterum legere coeperat iam septuagenarius. Quem discipulum carissimum habebat pater Caelestis Eichenseer. Et amicus carissimus mihi fuit Augustinus, cuius mortem dolenter lugeo.

(SECUNDA EPISTULA)

Tibi sane licet, care Paule, addere in diario Circuli Matritensis ea, quae raptim scripsi de Augustino Cano, qui- pauca nullius momenti adiciam- vir erat adeo (Italice dixerim) ut, cum saepius fumum tabaci hauriret, fistularum nicotianarum cinerem ipsarumque cicca non humi iaceret, sed quadam in pyxidicula circulari poneret. In seminario Matritensi anni 1998 ad Antonium Pirum (Hispanice ‘Peral’), virum doctissimum, qui Latine reddiderat illud opus litterarum Hispanicarum perfectum c. t. ‘Dominus Quixotus’, me Augustinus affabiliter exhibuit et cum Antonio, qui etiam Italice optime loquebatur, per horas eorum dierum subsicivas gratanter sum collocutus. Uterque- eheu!- mortuus est.

DE AUGUSTINI CANI OBITU

Mihi attulerunt nuntium lugendum de Augustini Cani obitu, qui una cum Iosepho Maria Sanctio Circulum Latinum Matritensem condiderunt. Ille fuit legatus Hispaniae multis in nationibus ac non accedit ad latinitatem vivam sed aetate provecta. Attamen multa pro latinitate suscepit indesinenter tamdiu vires non defecerunt ei. Sic suo sumpto nuntios in actis diurnis collocavit ut invenirentur homines quibus arriderent litterae Latinae ut iis notum faceret Circulum novum. Locutus est cum hominibus, qui multum valebant, ut coetus Circuli Matritensis fierent in facultate Sancti Pauli CEU. Postea etiam intituta fuerunt Matriti seminaria Latina. Primus fuit Circulus Latinus Matritensis in toto terrarum orbe, ni fallor, sub eo, qui apposuerat pagellam in interrete. Extremis annis octogenarius recedit a Latinitate commotus obita uxore.

Fortassis multa mihi exciderint de illo egregio Circuli Matritensis conditore, nam nunquam nostrum Augustinum, dum adhuc floreret, vidi. Fortassis alia dicenda habeatis aliqui vestrum, ut eius memoriam, ut decet, in animum revocemus.

Vale ,Augustine, et requiesce.

viernes, 29 de enero de 2010

DE CULTURAE CLASSICAE CONVENTICULO

Societas "cultura clasica" conventum informandis magistris destinatum a die IX ad diem XI mense aprili Emeritae Augustae faciendum instituit. Illic occasio datur ut auscultemus etiam aliquot acroases latinas a optimis oratoribus prolatas, ut Aloisio Miraglia. Ceterum sic suavissimum erit alios latinitatis vivae cultores, quod maxime nobis arridet, convenire ac conversari. Nobis enim desunt, eheu, occasiones nos exercere in loquellis latinis. Facite ut ne occasionem tantam amittatis, amici. Ipse etiam iam nomen dedi! Vobis subiungo nexum.

http://www.culturaclasica.com/?q=VI_jornadas