domingo, 15 de noviembre de 2009

DE FRAUDULENTAE SIMILITUDINIS VERBIS

Quandoquidem multa menda non raro elabuntur Hispanis Latine loquentibus, haud alieno a Circulis Hispanis aliquot errores communes apud nos colligere, ne semper identidem iisdem locis peccemus. Fortassis si res esset nobis cum libro maximo conscribendo titulus quam opere dignissimus esset Antihispanus, quemadmodum ille Iohannes Philipus Krebbs, quem honoris causa memoro, nomen suo indiderit. Profecto complures latinitatis vivae propugnatores, ut Aloisius Miraglia, haud inmerito improbant quod tantum librum Latine scribentibus destinatum non exaraverit sermone romano tantus doctor. (http://http//books.google.de/books?id=VhoAAAAAYAAJ&source=gbs_navlinks_s).

Noster autem conatus est his longe levior, sed aliquid usui esse Hispanice loquentibis posse contendimus necnon eum tempore et curis ac vostra ope ditare speramus.

VERBA FRAUDULENTAE SIMILITUDINIS AD GENUS

Latine sunt femenina pro masculinis Hispanico sermone:
methodus, periodus, paragraphus, arbor (et eorum species , sicut quercus, malus, etc), ordo, origo, ars.

Latine sunt neutrius generis pro femenino Hispanice:
sal, lac,
Latine sunt neutrius generis pro masculino Hispanico:
virus,

Latine sunt nomina masculini generis pro femeninis Hispanice:
grex,

ACCENTUS MUTATUR HISPANICE

Cavendum est de verbis temporalibus appositis praefixis.
púto, sed cómputo; rógo, sed intérrogo (et cetera)

Dicendum est pudícus, ambiguítas, ténebra/tenébra, telephónum, erámus, essémus.

FRAUDULENTA AD SENSUM

BARBARISMI

AD PRAEPOSITIONES AUT VERBORUM IUNCTURAS

martes, 10 de noviembre de 2009

DE VERBO HISPANICO SINDICATO

In ultimo nostrae sodalitatis coetu agitata fuit quaestio de verbo Hispanico "sindicato". Has voces inveni.

Opificum collegium (sindicato)
Opificum collegii curator (sindicalista:dirigente)
Opificum collegii fautor (sindicalista: afiliado,simpatizante)

viernes, 23 de octubre de 2009

DE CIRCULI MATRITENSIS COETU

Saturni die XXXI mense Octobre hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis "Gregorio Maranon" abest. Situm assignatum illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. Alterutramque partem aut unam adesse licet, cenam videlicet aut coetum ipsum. Si quis forte me compellare telephonice velit, ut amplius illum certiorem faciam harum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote.

sábado, 17 de octubre de 2009

De bibliotheca a quolibet administrata

Iulia Brandes et Alessander Winkler, optimae notae Latinistae, bibliothecam virtualem a quolibet administratam ( nescio quomodo dicendum sit Wiki) prodiderunt eo animo ut non tantum auctores triti appareant sed imprimis ii qui multo sudore sunt quaerendi in rete. Opera et scriptores ordine colligunt. Bene accipient et opem vestram, si auxilium illis dabitis. Praesertim si noveritis opera non tam nota quae vobis arrideant. Cum adhuc sit inceptum mox incoatum exigua est bibliotheca, sed usui nobis esse posse manifestum videtur. ecce nexus http://la.bibliotheca.wikia.com/wiki/Pagina_prima

lunes, 5 de octubre de 2009

TANTUM HISTORIA?

Heri cum nostro Ansgario Legionensi sermonem de Latinitatis Hispanae statu serui. Haud immerito questus est Ansgarius de neglecta apud nos Latinitate. Qua de causa? Mihi videtur, dixit Ansgarius, et complures eximii Latinistae in eadem sententia sunt, multos Hispanos tantum curas impendere de rebus historicis, de romanorum moribus et ceteris. Hoc colore neutiquam Latinitas curatur, tamquam res esset nihili, minimi momenti prae historia.

Longe a nobis abest ut historiam, quae colenda esse putamus, derogandam sonemus. Verum adduci non possumus quin multo magis prodesse sermonem Latinum quam historiam romanam ad Hispanos discere contendamus. Etsi ea quidem ex consequentiis de rebus gestis multo valet, illa autem magis, quandoquidem lingua Latina subest linguae hispanae etiam nostro aevo.

Innumeros quidem videmus homines lamentari quantum corrumpatur lingua Hispana, sive additis verbis anglicis supervacaneis, sive deminuta nostrae linguae suppellectile in usu apud adulescentes . Pars huius suppellectilis, quae pendet a sermone Latino, claudicat abolita linguae Latinae institutione. Sic voces omino Latinae sicut" redundar en tu beneficio" aut "infundir ánimo" aliquatenus exolescunt et iam non vigent apud nos. Ac aliarum nos capit oblivio et devenitur eo ut omnino ignoretur eloquium "quedarse sopa" nihil est aliud nisi iocus a sermone Latino tractus, propterea quod sopitus significat Latine propemodum dormitus. Nihil dicam de adiectivis excultis, aut de ablativo absoluto aut quantum conferat grammatica Latina, neque de utilitate ad linguas alienas addiscendas.

Otiosum et longissimum esset plura addere exempla hanc in rationem. Insuper nolim affecti sitis taedio ac materiam praebere ut dicatur, affers ligna in silvas, Paule. Paucis, crasse et pingue, quod de neglecta Latinitate pro historia sentiam, effundam. Mihi movit stomachum, mi Ansgari.

lunes, 14 de septiembre de 2009

MÁS TONTO QUE ABUNDIO

Abundio stultior Hispanice dicitur, quin etiam haec cantillena vulgo sic continuatur, qui vindimiatum ibat et uvas ultimae mensae nomine adferebat. Hic paulo plura de frequentatissimis apud nos fatuis, Abundio et capsae Stulto ("el tonto del bote) leguntur. http://www.formacionsinbarreras.com/cultura/index.php?seccion=268&contenido=3222

Latine autem dicitur Coroebo stultior auctore Erasmo, qui hanc explanationem adiuxit. "Coroebi viri stultitia proverbio locum dedit, qui undas maris numerare voluisse fertur, cum ultra quinque prosequi supputationem nequire".

viernes, 4 de septiembre de 2009

CARBONES ET REGES MAGORUM

Mox legi apud Erasmum locutionem "invenire carbones (aut carbonem) pro thesauro" quod significat reperire aliquid minimi momenti aut pretii, ubi expectabantur maxima. Nostro sermone, ni fallor, transferri potest persaepe in locutionem "mi gozo en un pozo".

Postea societatem feci cum fabulis anilibus de Regibus Magorum, qui adferre tempore natalicio carbonem his pueris qui male se gesserunt fama est. Etenim quod donaverunt Iesu infanti quasi ad temporis rationem pro thesauro existimari potest, scilicet aurum, thus et myrrha.Fortasis haec carbonis donandi consuetudo pueris improbis trahatur a proverbio Latino, nonne? Si quis certiora de his quam nos sciat , quaeso, sciscitantibus nobis occurrat.

Porro haec, ut bene scimus, fuit apud nos inanis mina in puerulos, quia demum munera maioris momenti accipiebantur etiam nequissimi et singuli nonnumquam carbones ex saccharo, quod minime displicebat, mane repperimus.

lunes, 10 de agosto de 2009

Relatio coetus Matritensis et apologus

COETUS MATRITENSIS RELATIO ET APOLOGUS

Noster Consalvus optimam relationem de Circuli nostri sessione ultima in suo diario interretiali exaravit. Quod legatis eius commentarium in sua pagella magis praestare, quam eadem iterare in nostra iudicavi, cum satis eleganter iam sermone latino adhibet noster amicus adhuc adulescens. http://eudemiae.blogspot.com/ Symbola de sessione scripta fuit hoc die 08-8-09.

Per occassionem apponam in nostro diario apologum brevissimum, quod in septimana Latina Amoeneburgensi composui. Illic descripti fuimus participes in diversos greges. Alii potius destinati erant ad tirones, alii autem ad latinistas provectiores. In meo tractavimus apologos, scilicet fabulas fictas de animantibus in quibus quod illis accidit potest usui etiam hominibus mutatis mutandis. In hoc grege nobis proposuerunt quasi pensum, quod ipsi scriberemus nostrum apologum. Ecce meus.


RANA ET SCORPIO

Mirificis casibus advehitur scorpio
caudice ligni ad medii stagni saxa.
Illic mortem opperitur
victu et vectura privatus
qua perlucidas undas transeat.

Ranae his scopulis adnatanti
persuasit ut in suo dorso
apportet eum cui nihil
prodesset commune naufragium
perfidia doloque patratum.

Precanti adquievit rana
merae indulgens misericordiae
et onus in humeris imponit
suo periculo.

Medio confecto itinere
sensim accenditur magis scorpio
molli bathracii cute.

Infesto inquinato aculeo
tegumen ranae transigit
et summerguntur una sodales
inepti in aqua silente.

Sint hi versus testimonio
confidere non expedire
iis qui natura trahuntur.

sábado, 1 de agosto de 2009

DE MENSIS AUGUSTI COETU

Saturni die VIII mense Augusto hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis "Gregorio Maranon" abest. Situm assignatum illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. Alterutramque partem aut unam adesse licet, cenam videlicet aut coetum ipsum. Si quis forte me compellare telephonice velit, ut amplius illum certiorem faciam harum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote. Paulus Villaoslada

martes, 21 de julio de 2009

CENSUS LATINUS UNIVERSALIS

Vos annumerari positis inter eos qui Latine loquuntur. Vos adiungite, si libet, ad censum Latinum Universale, ut pervestigatores et quot homines Latine confabulemur aut legamus sciant et an numerus aliis post annis minuerit aut creverit ut videant. http://census.academialatina.org/

viernes, 17 de julio de 2009

De synonimia Latina

Sandra Ramos, notum nobis in programmate facebook fecit librum, quo muniti rectius ac exactius discernamus verborum subtilitates in verbis sensu similibus. Gratiae tibi, Sandra spectatissima, persolvendae ob munusculum hoc perutile. http://books.google.com/books?id=54wAAAAAYAAJ&printsec=frontcover&dq=Hand-book+of+Latin+Synonymes&ei=T99gSoHDHYiGygSvtfCmDQ&hl=es

domingo, 28 de junio de 2009

De nuntiis latinis videndis

Scorpio Martianus in lucem edidit nuntios latinos quibus pelliculas adiunxit ita, ut illustrentur commentarii atque non longe absit a nuntiis televisificis, quos spectare et auscultare solemus domi cotidie nostris linguis vernaculis. Nunquam quidem antea tales pelliculas Latine videramus. Ad haec accidit quod imagines a eo appositae haud spernendae sint, atque quod ille curas strenuissime ad syllabarum mensuras, quod suavissimum nobis est, impendat. http://www.scorpiomartianus.com/

domingo, 21 de junio de 2009

Grex muneris communis

Ultima occasione qua in Hispania adfui fidem datam solvi et me una cum amasia ad circulum Conchensem contuli ubi Salvator noster nos deducit et benevolentissime, ut mos est apud eum, habuit. Illic in popina amoenissima lautissime una pransimus. Refocillati deliciis Conchensibus inde ad scholam quandam tetendimus ubi sessio Circuli gratissime instituta fuit. Tunc cepi inceptum optimum a nostro Salvatore excogitatum. Ille constituit Gregem muneris communis, quod lingua vernacula nostra appellatur "grupo de trabajo". Sic noster amicus et allexit alios magistros ex gymnasiis publicis ad latinitatem vivam. Nempe munus obiendum huius gregis est Latine loqui ,et in medium prodere quod experti sit unusquisque suis scholis de lectionibus orwergianis. Porro res publica eis, qui insunt in gregibus muneris communis concedit puncta, quibus opus sunt ad certamina publica atque ut magistri salaria increscant quoque transacto sexennio. Macte virtute, Salvator. Utinam hoc tuum institutum aliis magistris sit exemplo!

sábado, 6 de junio de 2009

De coetu Matritensi

Consalvus, adulenscens adhuc qui suo Marte tempora litteris latinis tribuit, quem primum ultima sessione feliciter convenimus, in diario suo interretiali nonnulla Latine de Circuli Matritensis conventu superiori depinxit ac exaravit. Hic eius commentarium repperietis sub numero 6.04.2009. http://eudemiae.blogspot.com/

viernes, 22 de mayo de 2009

DE MENSIS MAII COETU


DE COETU MENSIS MAII
Saturni die XXX mense Maio hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis "Gregorio Maranon" abest. Situm assignatum illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. Alterutramque partem aut unam adesse licet, cenam videlicet aut coetum ipsum. Si quis forte me compellare telephonice velit, ut amplius illum certiorem faciam harum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote. Ceterum Matriti adfuturus sum a die XXII currentis mensis usque ad diem VI mense Iunio, si forte quis vestrum me adire velit ut sermonem Latinum seramus.

Paulus Villaoslada

domingo, 8 de marzo de 2009

LIBRI CUIUSDEM RECENSIO

Nuperrime familiaris quidam mihi donavit librum optimum, quod vobis amicis magnopere commendo. Liber intitulatur "Latin Phrasebook" (C. Meissner ISBN 0-7818-0666-6). Versio Anglica in meas manus venit , verum comparari potest etiam versio Teodisca (Lateinische Phraseologie). In libro locutiones Latinae discriptae apparent in XVII capita iuxta rem agitatam, sicut motus animi ("emotions"), religionem, institutionem-consilium-deliberationem ("plan-advice-deliberation") et alia. Scriptor autem sententias ex purissimae Latinitatis auctoribus deprompsit et duplicem operi indicem, Latinum videlicet et Anglicum, in fine adiunxit ut sentententiae exoptatae facile reperiantur a legentibus. (non a lectoribus, nam, teste scriptore, lectores sunt "qui ista profitentur" -"Men of that profession"-) Denique, ut planius dicam quod de his sentiam, non tantum librum perlegere, sed etiam identidem retractare et sententias collectas adhibere nostrisin litteris oportuerit.

sábado, 21 de febrero de 2009

COETUS EXEUNTE MENSE FEBRUARIO

COETUS MATRITENSIS EXEUNTE MENSE FEBRUARIO

Die XXVIII mense februario hora sexta et ipsissima Circuli Latini Matritensis coetus habebitur in Studentum Deversorium, quod in via Pinar XXI-XXIII situm est. Equidem longe a traminis suburbani statione Gregorio Marañón non abest. Locus illic assignatum vocatur "oecus tudicularis" (sala de billares). Colloquio habito aliquot nostrum diutius manebimus ita ut cena italica ac loquellis latinis nos delectemos. Adesse vel alterutri vel utrique parte licet. Ceterum si nunquam nostras sessiones frequentavisti, cum tibi desit linguae Latinae usus et consuetudo aut doctrina, noli te macerare in his, noli cunctari,adesto. optimo quidem animo singulos homines ex omnifaria Latinitate suscipimus. Me compellare telephonice licet, si opus esset ( 91 6444170 domesticus- 605378226)

domingo, 1 de febrero de 2009

DE CERTAMINE TENILUDII AUSTRALIANO

Interdum spectandis ludis athlecis indulgeo sic ut asseclam huius tenilusoris Raphael Nadal me habeo, qui hodie in certamine Australiano victoriam reportaverit adversus illum nobilissimum Rutgarium Federer. Iste Rutgarius Federer verissimiliter est optimus tenilusor in historia. Attamen anno praeterito Federer ex maximorum certaminum (Grand Slam) meritis cessit Raphaeli Nadali, qui primas tenuit in ordine tenilusorum. Quater expugnavit hac tempestate Raphael Nadal lusorem Helveticum in sphaeristerio. Hac ex parte fuit annus horribilis athletae Helvetico, qui volebat hodie assequi quattuordecimum triumphum in maximis certaminibus et sic aequari Petro Sampras pro victoriarum numero in talibus certaminibus. Raphael Nadal videbatur non tantum viribus validum fore ex extremo certamine quinque horas contra alterum Hispanum nomine Verdasco habito. Nadal vero impetravit suum propositum. Uterque athletae exemplo sunt omnibus ex urbanitate et reverentia. Semper alius alium laudibus in caelum extulit. Hodie accepta clade in lacrimas effuditur Rutgarius ille spectatissimus ita commotus fuit, ut nullum verbum valuerit facere coram et Raphael Nadal affectus est comiseratione et tristitia quadam et sine nimia effusione videtur meo sensu ovare in re maxima. Etsi scio me tractare res minores, videte hac in pellicula quanta sit commotio et quam magno animo sint praediti hi excelsissimi nobilissimique athletae. Etiam nos Hispanos tetigit ille Rutgarius laboribus fractus, quem etiam suspicimus. Hic affero scapum cum pellicula adiuncta, ne putetis me tollere rem in maius. http://video.google.es/videosearch?q=final+open+de+Australia&hl=es&emb=0&aq=f#q=final%20open%20de%20Australia%20entrega%20de%20trofeos&hl=es&emb=0

Pellicula quam significo nuncupata est "entrega de trofeos Australian Open" et non alia quae intitulata "Nadal ganador..."