jueves, 8 de noviembre de 2012

COETUS IN DIEM X MENSIS NOVEMBRIS

ALIQUID NOVI

Puto oportere cum tot septimanas die Veneris continuas convenissemus quod etiam hac septimana die Saturni conveniamus. Septimana autem proxima alterum diem constituemus. Porro superiore sessione tandem operam dedimus sermoni Graeco, quem neglexeramus iam duas sessiones. Ad hoc propositum auxilio fuit nobis noster Rodericus, qui adivit Circulum. Noster Consalvus etiam adfuit sed non licuit ei manere in parte Graeca.

RES SOLITAE DE NOVO COETU

Apud nos est moris ut SINGULIS SEPTIMANIS diebus Saturni vel Veneris conveniamus.Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore . Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne tantum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Ceterum si non adfuerimus in oeco tudiculari (sala de billares) verisimiliter in thermopolio (cafetería) iuxta eum aderimus. Proximus autem coetus fiet

SATURNI DIE X MENSE NOVEMBRI HORA SEXTA

 (non singulis septimanis soleo nuntiare coetus, quia malo singulis septimanis mittere nuntium electronicum eis qui volunt adesse. Si vis accipere nuntios meos electronicos de singulis coetibus, ad me scribas pablovillaoslada@@yahoo.es. Scripsi duplicem @ ne accipiam nuntios molestos) Exceptis his de cenis cetera quae infra sunt rata habeo.Hora sexta (aut sexta et dimidia) habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Nolite cunctari, amici, adestote