jueves, 16 de junio de 2011

DE COETU DIEI SATURNI XVIII MENSIS IUNII

ALIQUID NOVUM

Ultima sessione locos rethoricae ad Herennium a nostro Alvaro allatos legimus, cui gratias agimus plurimas. Ceterum Lucia, Eduardus Engelsing, Alvarus, Iosephus et ipse coetui interfuimus. Pauca scribam hodie, quia occupatus sum officiis diversiis. Ceterum quid lecturi essemus non condiximus. Nescio an pergamus Herennii lectionem. Tum a nostro Alvaro peto ut mihi aliquid mittat. Alioquin aliquid raptim seligam alio ex opere.

RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne taIntum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

SATURNI DIE XVIII MENSE IUNIO HORA SEXTA

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote

martes, 7 de junio de 2011

DE DIE X MENSIS IUNII COETU

ALIQUID NOVUM

Septimana superiore forum librarium raptim perlustrare decrevimus et eo proposito a Deversorio Studentium hora octava circiter profecti sumus. Attamen subito urceatim pluere coepit, cum essemus iam foris. Quin etiam expectandum fuit nobis aliquantisper sub specus traminis subterranei tecto donec imber remitteret ne nimis madefieremus. Mitiore facto caelo ex nostris latebris foras prodivimus atque popinam a Lucia commendatam tendimus ubi gustationes Hispanicas varias cenavimus.

Ceterum mentio facta est in cena de verbo "estribillo", quod dicendum est Latine "versus intercalaris". Porro in dies crescit studium sodalium ut anno proximo conemur nos etiam dare confabulationibus Graecis. Bene vertat! Revera non tantum inceptum ipsum placet sed magis mihi arridet quod condiscipuli adeo doctrinae amantissimi nos ad sublimiora accuant.


RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne taIntum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

VENERIS DIE X MENSE IUNIO HORA SEXTA ET DIMIDIA

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote