DE SESSIONE DIEI XXV

ALIQUID NOVUM

Ultima sessione aliquos locos ex libro "historia de Abiponibus" excerptos, qui scriptus est a Iesuita quodam nomine Martino Dobrizhoffer, percurrimus. Si vobis studium plura legendi scitaverit, vobis ligamen adscribo ad volumen II praedicti operis. Nos legere coepimus caput XXXIII "de aliis insectis noxiis, de eorumque remediis.
http://books.google.es/books?id=zEwIAAAAQAAJ&printsec=frontcover&source=gbs_ge_summary_r&cad=0#v=onepage&q&f=false

Ceterum noster Michael noster mihi proposuit ut legeremus Caesaris aliquos locos lepidos quos mihi commendavit. Sine ullo negotio, ut puto, eos inveniam in rete atque multiplicabo. Ceterum, etsi est auctor satis simplex, attamen eum ab oblivione in Circulo nostro vindicandum existimo, nam numquam in Circulo eum, ni fallor, me praesente legimus.

Porro singuli sodales valde gavisi sumus, quod sectio chirurgica, quam noster Iosephus modo subivit, prosperrime evenisset.

RES SOLITAE DE NOVO COETU

Die XVI mense Septembri nonnulli sodales proposuerunt ut SINGULIS SEPTIMANIS diebus Saturni coetus nostri fiant. (Diebus Veneris autem sessiones hora sexta et dimidia incipient)Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore statuemus sodales praesentes. Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne tantum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Proximus autem coetus fiet

DIE XXV MENSE FEBRUARIO ( die VENERIS hora SEXTA et DIMIDIA )

Exceptis his de cenis cetera quae infra sunt rata habeo.Hora sexta habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Noli cunctari, amici, adestote