Hac septimana, ut diximus, ad nos tendet noster Michael Zeitler, quem iam valde desideramus.
Ceterum mentionem facere oportet de optimis novis sodalibus qui primum nostris sessiones interfuerunt, scilicet Emilianus, linguae Latinae magister, atque Marcus, universitatis studiosus. Pergrati ad nos venerunt tam docti necnon humanissimi sodales.
Praeterea forte mutandus est ordo rerum agendarum in Circulo, quia sunt apud nos qui nesciunt Graece. Melius consilium erga eos et fere beneficium est, ut credo, nos usque ad horam VIII et quadrantem partem Latinam agitare ac deinde Graecam ita ut si quis voluerit possit discedere post partem Latinam. Periculum quidem est eos qui curant tantum Latinitatem vix sustinentes partem Graecam Circulum ac sessiones derelinquere partis Graecae taedio affectos.
Quod pertinent ad partem Latinam, ni fallor, Consalvus noster ad me locos legendos mittet, ut eos multiplicandos curem. Si minus aliquid ipse parabo. In parte Graeca praeter lectionem solitam propono pensum minimum faciendum ad loquellas nostras provehendas. Propono ut unusquisque, si libet, narret quam brevissime Graece quod facere soleat die profesto quolibet. Exercitiis talibus verba cottidiana colemus una. Insuper hoc parum temporis eripiet lectioni ac plurimum prodest. Alioquin non satis Graece ad res cottidianas descendemus in Circulo.
Bene vertat Alvaro commoratio in Germania! Porro plurimum venit nobis in mente noster Iosephus Maria Sanctius cum litteras ab illo Sancto Isidoro exaratas perstrigeremus ulteriore sessione , in quem tantopere animum applicavit noster Iosephus.
I
RES SOLITAE DE NOVO COETU
Apud nos est moris ut SINGULIS SEPTIMANIS diebus Saturni vel Veneris conveniamus.Quandoquidem conventus nostri saepissime fiant, fortassis non singulis sessionibus una in cena manebimus, quod autem raptim et ex tempore. Attamen, si homines e longinquiis oris Matritum venturos esse scimus (sicut Rodericus, Xaverius, Sandra, Salvator, Maria Angelorum- optimi et amici ac Latinitatis cultores - aut alii) tum beneficium in hos amicos externos facere decere puto, scilicet colloquia latina in cenam producendo, ne tantum itineris pro exigua mercede susciperent. Itaque Latinistas externos esse adventuros , si certior de his factus essem, nuntiabo. Ceterum si non adfuerimus in oeco tudiculari (sala de billares) verisimiliter in thermopolio (cafetería) iuxta eum aderimus. Proximus autem coetus fiet.
SATURNI DIE XXII MENSE SEMTEMBRI HORA SEXTA
Exceptis his de cenis cetera quae infra sunt rata habeo.Hora sexta (aut sexta et dimidia) habebitur Circuli Latini Matritensis coetus in Deversorio Studentium (Residencia de Estudiantes), quod in via "del Pinar" XXI-XXIII situm est, quae non longe a traminis suburbanis statione "Gregorio Marañon" abest. Situs assignatus illic appellatur oecus tudicularis "sala de billares". Advenite, sodales, quamquam adhuc non optime Latine loqui valeatis, aut tantum sit vobis in animo praebere aures ad alios dicentes. Ceterum habito conventu aliquot nostrum manebimus et una cenam sumemus in popina italica propinqua, si libet. In Alterutraque aut utrique parte adesse licet, videlicet in cena vel in coetu ipso. Si quis forte me compellare telephonice velit, ut amplius illum certiorem faciam horum, ecce numerus telephonicus 91 6444170 (domesticus) 605378226 (gestabilis). Nolite cunctari, amici, adestote.
No hay comentarios:
Publicar un comentario